Sahara UK News

लन्डन । सहारा यूकेको अध्यक्षमा कृष्ण गुरुङ चयन भएका छन् ।

मिचेटस्थित तमु धीं यूकेको भवनमा शनिबार आयोजित संस्थाको १५ औं वार्षिक साधारणसभा तथा ७ औं अधिवेशनबाट कृष्णको नेतृत्वमा २०२४-२०२५ का लागि नयाँ कार्यसमिति छनोट भएको हो । कार्यसमिति उपाध्यक्षमा शारदा गुरुङ, महासचिवमा क्या पिताम्बर गुरुङ, सचिव मञ्जु गुरुङ राई, कोषाध्यक्ष कुमार थापा र सहकोषाध्यक्षमा जगन (ज्याक) गुरुङ चयन भए ।

सीईओमा मेग गुरुङ, खेलकुद सचिवमा शमशेर गुरुङ, युवा खेलकुद संयोजकमा सन्दीप उपाध्याय चयन भएको निर्वाचन समितिले जनाएको छ ।

कार्यसमिति सदस्यहरुमा मनोज गुरुङ, मिलन तमु गुरुङ, सुधा गुरुङ, दल गुरुङ, देव गुरुङ, गम गुरुङ, दिपक (राजु) गुरुङ, सविन्द्रकुमार गुरुङ (एसके), अमृत गुरुङ र अजयजंग थापा रहेका छन् ।

नयाँ कार्यसमिति चयनका लागि हरि श्रेष्ठ निर्वाचन प्रमुख रहेको तीन सदस्यीय समिति बनाइएको थियो । जसमा तमु धीं यूकेका पूर्वअध्यक्ष ज्ञाम गुरुङ र वर्तमान उपाध्यक्ष कमल गरुङ थिए ।

अध्यक्ष ले रि कुसाङ गुरुङको अध्यक्षतामा भएको साधारणसभा तथा अधिवेशनमा उपाध्यक्ष कृष्ण गुरुङले स्वागत मन्तव्य राखेका थिए । साधारणसभामा उपाध्यक्ष कृष्ण गुरुङ, महासचिव मनोज गुरुङ, कोषाध्यक्ष कुमार गुरुङ, सहकोषाध्यक्ष जगन गुरुङ, सहारा एफसी टिमले विभिन्न प्रतिवेदन प्रस्तुत गरेका थिए । प्रारम्भिक मन्तव्य राखेका अध्यक्ष ले.रि गुरुङले पोखरा अन्तर्राष्ट्रिय म्याराथन, आरन्ट कप वालिङ र बगर भाइखलको विषयमा बोलेका थिए ।

अध्यक्ष र महासचिवले आहा रारा गोल्डकपमा संस्थाबाट दिइने गोल्डकप, ट्रफी पुरस्कार र धन्यवाद भोजलगायत विषयमा जानकारी गराएका थिए ।

साधारणसभामा आदर्श तमु अवार्ड पाएका संस्थाका आजीवन सदस्यहरुर सेरा गुरुङ र गमबहादुर गुरुङलाई दोसल्ला र पुष्पगुच्छा दिएर धन्यवाद दिइएको थियो भने नेपाल आदिवासी जनजाति पत्रकारा महासंघ यूकेबाट शनिबार नै पुरस्कृत सहारा यूकेका कार्यसमिति सदस्य एव‌ं गोर्खा मिडियाका प्रबन्ध निर्देशक मिलन तमुलाई पनि अध्यक्ष लेरि कुसाङ गुरुङलगायतले बधाई तथा शुभकामना दिएका थिए ।

यस्तै सहारा यूकेका सल्लाहकार चन्द्र गुरुङलाई कोल्मा बहाकोट समाज यूकेको अध्यक्षमा चयन भएको अवसरमा बधाई तथा शुभकामना दिइएको थियो । च्यारिटीका लागि नेपालबाट आएका अतिथि कलाकार दीपक थापालगायतलाई प्रमाणपत्र र खादा लगाइदिएका थिए ।

लन्डन । सहारा यूकेको १३ औं वार्षिक च्यारिटी डिनर नाइट सम्पन्न भएको छ । यही शनिबार १८ नोभेम्बर २०२३ का दिन अल्डरसटमा रहेको एम्पायर हलमा अध्यक्ष ले.रि. कुसाङ गुरुङको अध्यक्षता र बेलायतका लागि नेपाली राजदूत ज्ञानचन्द्र आचार्यको प्रमुख आतिथ्यतामा उक्त च्यारिटी डिनर नाइट सम्पन्न भएको हो । कार्यक्रम प्रमुख अतिथि राजदूत आचार्य र अध्यक्ष ले.रि. कुसाङले दीप प्रज्वलन गरेर उद्घाटन गरेका थिए । त्यसपछि सहारा यूकेसम्बन्धी बनाइएको ७ मिनेटको डकुमेन्ट्री देखाइएको थियो ।

महासचिव मनोज गुरुङले सञ्चालन गरेको औपचारिक कार्यक्रममा स्वागत मन्तव्य उपाध्यक्ष कृष्ण गुरुङले राखेका थिए । कार्यक्रममा चारभन्ज्याङ तमु समाज यूकेले सबभन्दा धेरै १३ सय ३० पाउन्ड सहयोग प्रदान गरेको थियो । आयोजकको तर्फबाट दाता र प्रायोजकहरुलाई धन्यवाद र प्रशंसा दिएको थियो भने कलाकारहरुलाई धन्यवादसहित प्रशंसापत्र दिइएको थियो । सोही क्रममा सहारा यूकेका नयाँ सदस्यहरुलाई पनि स्वागत गरिएको थियो । नयाँ सदस्यहरुलाई सहारा यूकेको लोगो अंकित सहाराको ब्याच, गलबन्दी, टाइ अध्यक्ष ले.रि. कुसाङले प्रदान गरेका थिए ।

कार्यक्रममा ‘सहारा यूके अवार्ड-२०२३’ बाट आजीवन सदस्य गम गुरुङलाई सम्मान गरिएको थियो । यस्तै ‘सहारा यूके स्पेसल अवार्ड-२०२३’ आजीवन सदस्य सियरा गुरुङलाई दिने घोषणा गरिएको छ । सियरा गुरुङ नेपालको कर्णाली प्रदेशको ‘जाजरकोट भूकम्प’का पीडितको राहत तथा उद्धारका लागि नेपाल रहेकोले पनि पछि अवार्ड प्रदान गर्ने निर्णय गरिएको हो ।

गम गुरुङलाई प्रमुख अतिथि राजदूत आचार्य, अध्यक्ष ले.रि. गुरुङले दोसल्लासहित अवार्ड प्रदान गरे । अवार्ड प्राप्त गर्नेहरुको संक्षित व्यक्तिगत विवरण सहारा यूकेका निवर्तमान अध्यक्ष कुमार गुरुङले कार्यक्रममा सुनाएका थिए ।

कार्यक्रममा विभिन्न संघ संस्थामा पदोन्नति भएका सहारा यूकेका पदाधिकारी तथा सदस्यहरुलाई बधाई तथा सम्मान गरेको थियो ।

सयपत्री नेपाली कल्चरल ग्रुप यूकेका नृत्यांगनाहरु लीकोन गुरुङ, सेलीना शाही, ऋतीका खरेल, रिस्ता खड्काले स्वागत नृत्य प्रस्तुत गरेका थिए । उक्त नृत्यको निर्देशन र कोरियोग्राफी कविता घर्तीमगर गुरुङले गरेकी  थिइन् ।

कार्यक्रममा प्रमुख अतिथि राजदूत आचार्य सहारा यूकेले खेलकुद र सामाजिक क्षेत्रमा निकै राम्रा काम गरेको डकुमेन्ट्रीबाट थाहा पाएको उल्लेख गर्दै सहाराको योगदान सराहनीय रहेको बताए । उनले आगामी दिनमा पनि थप राम्रा काम गर्न सहारालाई प्रेरणा मिलोस् भन्ने शुभकामना दिँदै त्यसमा नेपाली दूतावास लन्डनले हातेमालो गर्ने आश्वासन दिए ।

अध्यक्ष ले.रि. गुरुङले प्रमुख अतिथि, अतिथिसहित उपस्थित महानुभावलाई धन्यवाद दिँदै कार्यक्रम सफल पारिदिने सबै पक्षप्रति कृतज्ञता प्रकट गरे ।

सांस्कृतिक कार्यक्रमको चरणमा सहारा यूकेका संस्थापक अध्यक्ष नवीन गुरुङ र ‘विदेश जाने मायालु..’ गीतका गायक दिपक थापाका परिवारले मीठा मीठा गीत गाएर मनोरञ्जन दिलाए ।

सांस्कृतिक कार्यक्रम सूर्य गुरुङले सञ्चालन गरेका थिए । कार्यक्रमको अन्ततिर सूर्य गुरुङले भाग्योदय चिट्ठा (राफल ड्र) सञ्चालन गरेका थिए । जसको विजेता तमु धीं यूकेका महासचिव डा. विशाल गुरुङ बनेका थिए । राफल ड्रको प्रथम पुरस्कार १ तोला सुन रहेको थियो । जसको प्रायोजक न्यू लक्ष्मी ज्वेलर्स अल्डरसट यूकेकी प्रोपाइटर लक्ष्मी राईले गरेकी थिइन् ।

यस्तै अजय थापाले प्रायोजन गरेको दोस्रो पुरस्कार २५० पाउन्ड जगना गुरुङले हात पारिन् भने बिमल गुरुङले प्रायोजन गरेको १ सय पाउन्डको तेस्रो पुरस्कार पूर्वडीएसपी वाचस्पति रेग्मीले प्राप्त गरे ।

कार्यक्रम बिट मार्नै लाग्दा सपन इन्टरटेन्टमेन्टका डाइरेक्टर सपनकुमार राईको गीत र अन्यको ककटेल डान्सले सहभागीलाई नाच्न उत्साह थपिदिएको थियो । गोर्खा मिडियाबाट उक्त कार्यक्रमको प्रत्यक्ष प्रसारण गरिएको थियो ।

गोर्खा मिडिया संवाददाता आइतबार, मंसिर ३, २०८०

लन्डन । सहारा युकेले यही १८ नोभेम्बरमा एम्पाएर हल अल्डरसटमा च्यारिटी डिनर नाइट गर्ने भएको छ । सहारा युके अध्यक्ष रि.ले. कुसाङ गुरुङको अध्यक्षतामा शनिबार एभरेष्ट फुड सप क्याम्बर्लीमा बसेको संस्थाको बैठकले उक्त निर्णय गरेको हो ।
अध्यक्ष गुरुङले सहारा युकेले आफ्ना खेलकुद, शिक्षा, स्वास्थ्य र च्यारीटी सहयोगलगायत कार्यक्रम सफलतापूर्वक सम्पन्न गर्न आर्थिक मजबुत हुनुपर्ने जनाउँदै विगतदेखि सञ्चालित च्यारिटी डिनर नाइटलाई निरन्तरता दिएको बताए ।

संस्थाका उपाध्यक्ष एवं कार्यक्रम संयोजक कृष्ण गुरुङले प्रमुख अतिथिका लागि बेलायतका लागि नेपाली राजदूत ज्ञानचन्द्र आचार्यसहित अतिथि, पाहुनालाई निम्तो पठाइसकेको बताए । कोषाध्यक्ष कुमार थापाले संस्थाको आयव्यय प्रस्तुत गरे ।

सहारा क्लब पोखराले २५औं वसन्त पार गरेको उपलक्ष्यमा सम्मानित सहारा युकेका प्रमुख सल्लाहकार महेश गुरुङ र एनआरएन युके अध्यक्षमा निर्वाचित सहारा युकेका सल्लाहकार हितकाजी गुरुङलाई सो अवसरमा सम्मान गरिएको थियो।

सहारा च्यारीटी डिनर नाइटमा गोरखा हाईस्कुलका पूर्व विद्यार्थी एवं गायक दीपक थापा र अभिषेक थापाको प्रस्तुति रहने छ ।
सहारा युकेमा रहेर उत्कृष्ट काम गर्ने २ जना पदाधिकारीलाई सहारा अवार्ड प्रदान गरिने अध्यक्ष गुरुङले जानकारी दिए।
यस्तै, राफल चिठ्ठा पहिलो पुरस्कार १ तोला सुन स्पोन्सर न्यु लक्ष्मी ज्वलर्सको प्रोपाइटर लक्ष्मी राई रहेकी छन् । अन्य प्रायोजक तय हुन बाँकी छ ।
यसैबीच, सहारा युकेले नेपालको जाजरकोट र रुकुम पश्चिममा शुक्रबार गएको भूकम्पमा भूकम्पपीडितको सहयोगार्थ १ लाख सहयोग गर्ने निर्णय गरेको छ ।

कार्यक्रममा स्वागत उपाध्यक्ष कृष्ण गुरुङ र सञ्चालन महासचिव मनोज गुरुङले गरेका थिए ।

सहारा युकेको साताैं कार्यसमितिको २ वर्षे कार्यकाल सफलतापूर्वक सम्पन्न गरेकोमा अध्यक्ष रि.ले गुरुङले सहयोग गर्ने सबैलाई धन्यवाद दिए । उनका अनुसार आगामी १६ डिसेम्बर २०२३ मा महाधिवेशन हुनेछ । आठाै कार्यसमिति चयनका लागि सल्लाहकार एवं संस्थापक एफसी चेयरमेन हरिकुमार श्रेष्ठ संयोजक रहेको निर्वाचन समिति गठन गरिएको छ । जसको सदस्यमा सल्लाहकार कमल गुरुङ र सल्लाहकार ज्ञाम गुरुङ छन् । पर्यवेक्षकमा संस्थापक अध्यक्ष नवीन गुरुङ, पूर्व अध्यक्ष दिलीप गुरुङ एमबिई, पूर्व अध्यक्ष मीन गुरुङ र निवर्तमान अध्यक्ष कुमार गुरुङ छन्।

कार्यक्रममा सहारा युकेका सल्लाहकार, कार्यसमिति पदाधिकारी, फस्ट लेडी पञ्च गुरुङ, मञ्जु गुरुङ राई, कृष्ण गुरुङ, सदस्य लगायतको उपस्थिति थियो ।

प्रकाशित मिति: मंगलबार, कात्तिक २१, २०८० १६:४०
गोर्खा मिडिया संवाददाता